المصفوفات اولي ثانوي ترم ثاني شرح رياضيات أ/ابتسام مصطفي

كيفية كتابة برهان في شرح رياضيات ازاي اكتب البرهان أ/ابتسام مصطفي

شيت اكسل كنترول رصد درجات الطلاب الجزء االثاني أ/ابتسام مصطفي

شيت اكسل كنترول رصد درجات الطلاب أ/ابتسام مصطفي

اكسل ومعادلة حساب السن اول اكتوبرأ/ابتسام مصطفي

New Intro to my channel😍😍😍intro video

co space ومتوازي الاضلاع

 أ/ ابتسام مصطفي 

معلم خبير رياضيات

teamsوتطبيقات ميكروسوفت

  أ/ابتسام مصطفي 

معلم خبير رياضيات

teams ميكروسوفت 365

 أ/ابتسام مصطفي 

معلم خبير رياضيات

teamsوتطبيقات ميكروسوفت

 أ/ابتسام مصطفي 

معلم خبير رياضيات

sway ماهو ؟وكيفية التعامل معه؟

 أ/ ابتسام مصطفي محمد عبد الرحمن

معلم خبير رياضيات 

اروع كلام في الظلم

 

أروع كلام  في الظلم

من

Wael Ghonim

الظلم اللي اتعرضتله واللي لسه بتتعرضله هو تجربة مخاض صعبة بتساعدك إنك تتعلم دروس كتيرة بعضها عام وبعضها خاص، منها:

١) إنك هتتعود متخافش من القلق والخوف وتقدر تتعايش معاهم بشكل يومي بتحاول تقاومهم لحد ما تتغلب عليهم وده في حد ذاته درس عملي في الشجاعة اللي بينك وبين نفسك وممكن محدش يبقى داري عنها. ومش هتعرف مقدار الهدية دي إلا بعد خروجك من أزمتك .. هتلاقي نفسك بتعمل مواقف شجاعة الناس تخاف تعملها بكل سهولة وأريحية.

٢) إنك هتبدأ تحاسب نفسك أكتر شوية لأنك هتحاول تخرج نفسك من دايرة الظلم اللي أنت محطوط فيها وبتتظلم .. وفي المحاولات دي هتعيش الدروس اللي هتتعلمها وبتساعدك عالمثابرة والاستمرار وقبول الواقع مع محاولة تغييره.

٣) هتخليك تكتشف إنك ممكن تكون ظالم لنفسك وأنت مش واخد بالك. فاليائس اللي مش شايف حل وبيعتبر لعبته مقفولة مثلا ظالم لنفسه لأن ربنا واعد الصابرين بالحل بس يصبروا الصبر بمفهومه العميق وهو إنك تقبل الواقع وتعيد حسابات نفسك عشان تعدل من مسار أفعالك بما يناسب الواقع وأنت صابر عالنتيجة وبتصلح من نفسك كل ما شفت أي علامة بتقول لك احتمال تبقى ماشي غلط.

٤) اللي يخرج نفسه من دايرة ظلمه لنفسه ويبدأ يساعد غيره (بإراداتهم ورغبتهم الحرة) بمشاركته تجربته فيتعلموا منه ويخرّجوا نفسهم من دوائر ظلمهم لنفسهم هيبقى من الصالحين. والمجتمع هيزيد فيه العدل ويقل فيه الظلم. لأن العدل أبقى وأبدع وأخلق وأكثر قدرة على الانتشار من الظلم. الخير دايما بييجي بيعم والشر هو اللي دايما بيخص لأنه قايم عالأنانية والطمع.

٥) كل ما هتتظلم لازم تتعلم إن دي علامة عشان تعرف إنك لسه مش قوي زي ما أنت فاكر وخصوصا إنك معرفتش تتوقع إن الظلم هيحصل عليك وإلا كنت هتعرف تفاديه وتسلك نفسك منه. والأولى بدل ما تشغل نفسك بالظالم هو إنك تشتغل على إنك تتدبر الماضي بتاعك مع اللي ظلمك وتفهم إنت غلطت في إيه عشان متعملوش تاني وتستغفر ربنا على كل ذنب أذنبته اتسبب في وقوعك في إساءة التقدير دي. لأن البصيرة هدية من ربنا ومش بياخدها أي حد.

٦) اللي بيقضي وقته بيشتكي من الظالمين ويدعي عليهم ويقنع نفسه إن معندوش حل تاني هو شخص ظالم لنفسه وبييأس من الحياة ومن رحمة ربنا مع الوقت. لأن ربنا أمر كل واحد بالعمل والسعي مش بالنياحة والشكوى. ممكن تفضفض مع حد صديق أمين يساعدك تشوف اللي أنت ممكن تكون مش شايفه في قصتك .. لكن إنك تولول وتدمن الشكوى من الظروف فهو ده عين الظلم.

٧) من ظلمك لنفسك إنك تعمم الأخلاق اللي مش كويسة عالناس كلها عشان تبرر لنفسك انعزالك أو انغماسك في الأخلاق اللي مش كويسة. ومن ظلمك لنفسك إنك تدّعي فهمك لتجربة أنت معشتهاش ولا حسيت أحاسيسها لمجرد إنك قريت كتابين أو سمعت شريطين أو اتفرجت على برنامجين. ومن ظلمك لنفسك إنك تشغل نفسك بقلقك المستمر وحساسيتك الزيادة من رأي الناس فيك للدرجة اللي تخليك عبد لهواهم ورأيهم واحساسهم ناحيتك.

"وما ظلمونا ولكن كانوا أنفسهم يظلمون"

المصدر

https://www.facebook.com/ghonim

الاحسان للنفس

 الاحسان للنفس من اعظم ما يمكن ان تقدمه للبشر 

لان الاحسان للنفس يعني حمايتها من الهلاك  وغضب الله عزوجل لذا وجب عليك ان تحفظها بفعل الخيرات ومن اعظم الافعال ان تتعامل كما تحب ان يعاملوك وان تضع نفسك دائما  

مكان الاخر 

 

النفس البشرية ترتاح وتطمئن الي فعل الخيرات اما الذنب

يؤلمها حتي وان صاحبه متعة وقتية  فعل الخير اصيل في النفس  ان تكون انسان هذا هو الاساس ان تتعارف بود ونتعامل بإنسانية 

يعجز تفكيري عن تفسير الخطأ عند النفس ولا اجد له مبرر غير ان الله اراد الانسان  يخطيء ثم يتوب ويرجع ويثقل الخير بداخله ويظهر حبه لله وانه علي الطريق المستقيم من روائع تصميم الخالق هو إن كل واحد مهما كان في أي سكة غلط يقدر يقف ويحاسب نفسه ويعيد رؤيته للواقع ويفهم مقادير ربنا وسننه الكونية .. وكل ما كان الطريق أصعب كل ما كنوزه بتكون أكبر وبيعرف فيها الإنسان معاني لطف وكرم ومكر ورحمة وعظمة الخالق

 

ودائما كلغلط جواه طبقات من الصح الخفي .. وكل صح جواه طبقات من الغلط الخفي .. واللي يتعلم يركز يعمل صح أكتر حتى وهو غرقان في الغلط .. ويتعلم يراقب ويطلع الغلط في كل حاجة بيعملها حتى لو شكلها صح .. هيعيش ببصيرة تخليه مع الوقت يغلط أقل ويعمل الصح أكتر

تبعات الغلط على صحة الإنسان بتكون كبيرة لأنها بتضعف جهاز مناعته .. الإنسان اللي بيمشي في طريق الغلط بيفضل طول الوقت قلقان ولو قرر يعالج قلقه بيطلعه في صورة طاقة سلبية تضره وتضر غيره .. والإنسان اللي ماشي يوزع كراهية وسلبية على غيره هو أول واحد بيدفع تمن ده لأنه بيبقى جهاز مناعته ضعيف وبيحارب بعضه زي ما هو بيحارب غيره في الحياة

مع التجربة والوقت هتتعلم إنك كل مرة هتراجع فيها أفعالك في الماضي هتشوف طبقات من الصح والغلط اللي مكنتش شايفهم قبل كده. والواعي هو اللي دايما يحاول يوزن روايته لأحداث حياته بشكل يقوّي من وضعه الحالي ويرفع من إيمانه بقدراته ومقادير ربنا وعدله وتوفيقه

وانه الاهم  في الحياة ان تكون الانقي  والاصلح في الكون بمحاولات يصحبها الاصرار والعزيمة والعون من الله 

واخيرا 

الله المستعان